Ish-anëtari i Kolegjit të Posaçëm të Apelimit, Luan Daci, është cilësuar fajtor me vendimin e formës së prerë nga Apeli i Posaçëm për veprën penale të falsifikimit të dokumenteve. Mësohet se, ditën e sotme Gjykata e Lartë ka vendosur mospranimin e rekursit për Luan Dacin, duke lënë në fuqi dënimin e tij.
Vendimi është marrë në dhomë këshillimi, ndërsa tashmë KPA duhet të nisë procedurat për largimin e tij si anëtar i këtij institucioni.
Luan Daci u fajësua për falsifikimin e kërkesës mes të cilës ka aplikuar për të qenë pjesë e KPA në vitin 2017, pasi nuk ka deklaruar një masë disiplinore “largim nga detyra” nga KLD si gjyqtar në vitin 1997. Gjykata e Posaçme, në vendimin e shpallur në 1 dhjetor të vitit të kaluar, vlerësoi se kërkesa e të pandehurit ishte akti që i garantoi atij nisjen e detyrës në KPA dhe si e tillë konsiderohej si dokument.
Në dhjetorin që shkoi, Daci u dënua me 6 muaj burg, vendim i cili u konvertua në 1 vit shërbim prove.
