Apeli i GJKKO ka lënë në fuqi të masën e sigurisë “arrest në burg” për 15 policët e arrestuar të doganës së Morinës disa javë më parë. Ata u vunë në pranga gjatë një operacioni të SPAK më 8 prill 2022 dhe u akuzuan për marrje ryshfeti.
Më 18 prill, efektivët kërkuan gjithashtu që Gjykata e Posaçme e Apelit të shpallte moskompetencën e gjykimit të tyre nga GJKKO, e t’ia kalonin gjykimin Gjykatës së Kukësit.
Argumenti i përdorur nga avokatët e tyre në ankimimin e bërë, ka të bëjë me faktin që sipas vendimit Unifikues të Gjykatës së Lartë, vepra penale e Korrupsionit që është poshtë shifrës 500 mijë lekë të vjetra nuk është kompetencë e SPAK, por e gjykatës së rrethit.
SPAK e njoftoi operacionin me anë të një njoftimi zyrtar, ku bëri me dije se janë 15 efektivë të vënë në pranga me masën e sigurisë arrest me burg dhe një tjetër i shpallur në kërkim me këtë masë.
Nga urdhër arrestet e lëshuara prej Prokurorisë së Posaçme, 12 efektivë janë lënë në arrest shtëpie, ndërsa janë pezulluar 4 të tjerë. SPAK thekson se janë edhe dy qytetarë të përfshirë në këtë listë, të cilët kanë marrë masën e arrestit shtëpiak.
Discussion about this post