Pas akuzave nga Federata Suedeze për thirrje raciste nga lojtarët e Kombëtares U-21 të Italisë ka ardhur edhe reagimi i federatës së këtyre të fundit.
Federata Italiane e Futbollit i ka mohuar ato akuza, teksa ka theksuar se ngjarja në fjalë nuk është vënë re nga delegatët.
“Në lidhje me atë që u raportua nga Federata Suedeze e Futbollit në faqen e saj të internetit dhe u mor nga disa media, FIGC mohon absolutisht se një lojtar i kombëtares nën 21 vjeç, gjatë ndeshjes Itali – Suedi të luajtur dje në Monza, shprehu ofendime raciste kundër një kundërshtari, një episod i cili nuk u vu re nga zyrtarët e ndeshjes apo delegati i UEFA -s.”-shkruan Federata italiane.
Ndërsa më tej shtoi se lojtarët italianë u kanë kërkuar atyre suedezë që të luajnë dhe të mos harxhonin më shumë kohë seç duhej për të festuar golat.
“Duke shpresuar se organet kompetente do të sqarojnë menjëherë rastin, siç del nga imazhet televizive të transmetuara nga ‘Rai 2’ dje dhe ende të disponueshme në ‘RaiPlay’, pas barazimit, në minutën e 92 -të, dy lojtarët suedezë gëzohen për një kohë të gjatë për golin dhe janë kujtuar nga futbollistët italianë për të rifilluar lojën shpejt. Ne ritheksojmë se asnjë vepër raciste nuk u shqiptua më parë, në atë kohë ose më vonë dhe se FIGC do të mbrojë imazhin e saj dhe të lojtarëve të saj në të gjitha forumet kompetente. Në të njëjtën kohë, FIGC riafirmon angazhimin e vazhdueshëm të bërë nga i gjithë futbolli italian dhe në veçanti nga ekipet kombëtare, përmes nismave të shumta, për të luftuar racizmin dhe dënon edhe një herë çdo ofendim diskriminues ose episod dhune “.-ka deklaruar Federata Italiane e Futbollit.
Teksa duhet theksuar se çështjet e racizmit janë bërë një problem shumë shqetësues në futbollin italian./K.T/Gijotina.com
