Akuzat për shpërdorim detyre, arrestohet punonjësi i AKU-së në Fier

Policia e Fierit ka arrestuar për akuzën e shpërdorimit të detyrës dhe falsifikimit të dokumenteve punonjësin e AKU-së, Mirel Koçi, kjo pasi ai së bashku me një kolege të tij i kanë vendosur gjobë arbitrare një biznesi.

Sipas njoftimit, Koçi ishte shpallur në kërkim për veprat penale “Shpërdorim detyre” dhe “Falsifikimi i dokumenteve”.

Gjithashtu, Gjykata e Shkallës së Parë Fier ka vendosur masën e sigurisë “Detyrim për tu paraqitur në policinë gjyqësore”, masë ndaluese “Pezullimi i ushtrimit të një detyre a shërbimi publik” për veprat penale “Shpërdorim i detyrës” dhe “Falsifikim i dokumenteve” për bashkëpunëtoren 33-vjeçare, banuese në Fier.

Materialet i kaluan Prokurorisë për veprime të mëtejshme procedurale.