Gjykata e Posaçme GJKKO ka dënuar me 5 vite burg Bledar Zenelin, i dyshuar për nxitje të urrejtjes dhe propagandë me qëllime terroriste.
Për shkak të gjykimit të shkurtuar ai përfitoi ulje me 1/3, duke u dënuar përfundimisht me 3.4 vite burg.
Zeneli u arrestua me urdhër të prokurorisë së Posaçme në bashkëpunim me anti-terrorin, pasi dyshohet se përmes rrjeteve sociale bënte thirrje për sulme terroriste dhe mbështete ISIS.
Sipas SPAK nga hetimet e kryera ka rezultuar se në rrjetet sociale Facebook dhe Telegram, publikonte artikuj dhe materiale radikale me përmbajtje ekstremiste në mbështetje të shtetit islamik. 30-vjeçari i cili punonte kryesisht në ndërtim, është mbajtur për 2 vite nën vëzhgim.
Kanë qenë agjentët e anti-terrorit që pas operacionit të koduar “Shadow”, kanë kryer arrestimin e 30-vjeçarit i cili u dënua nga GJKKO për akuzat e “Nxitjes thirrjes dhe propagandës për kryerjen e veprave me qëllime terroriste” dhe “Nxitjes së urrejtjes ose grindjeve”.
Discussion about this post