Babai i “Miss Universe Kosova”, Tuti Sejdiu, H. Sejdiu është liruar ditën e sotme nga paraburgimi, në të cilin mbahej që nga 1 korriku i këtij muaji, për veprën penale kanosje. Gazeta Ekspress shkruan se Sejdiu ndodhej pas hekurave për të kërkuar drejtësi për vajzën e tij, të cilën e kishin rrëmbyer në moshën 13-vjeçare dhe e kishin përdhunuar nga disa shtetas serb.
“Më datë 16.07.2021, Prokuroria Themelore ne Gjilan ka bere kerkese per nderprerjen e mases se paraburgimit dhe gjyqtari ka aprovuar kerkesen dhe ka nderprere masen e paraburgimit”, thuhet në njoftimin e gjykatës.
Por çfarë ndodhi me babain e Missit nga Kosova?
Babai i Tutit, kanosi Kryetarin e Gjykatës Themelore të Gjilanit, Ramiz Azizi së bashku me zyrtarë të tjerë lidhur me një vendim gjyqësor, të cilin ata e dhanë për rrëmbyesit dhe përdhunuesit e vajzës së tij. Për këtë veprim, Sejdiu, u dënua me 1 muaj paraburgim në 1 korrik, por që u la i lirë pas 19 ditësh.
