Gjykata e Posaçme ka shpallur të pafajshëm Ilir Nishanin, vëllain e ish-presidentit Bujar Nishani të cilin SPAK e akuzonte për “Korrupsioni pasiv i personave që ushtrojnë funksione publike” kryer në bashkëpunim.
Ndërkohë i pafajshëm u shpall edhe inspektori Genci Hiçka. Ndërsa u dënua me dy vite burg Gerson Tafa.
Në aplikim të nenit 59 si dënim alternativ në përfundim u pezullua dënimi me burg duke u vënë 24 muaj në shërbim prove si dhe i hiqet e drejta për të ushtruar funksione publike për 5 vite. Inspektorët e Agjencisë së Mbrojtjes së Mjedisit akuzoheshin për marrje ryshfeti.
Në janar 2020, mjeku Kostandin Balloma ka kallëzuar në SPAK 3 inspektorët që sipas tij i kishin kërkuar klinikës 30. 000 lekë. Këta të fundit janë personat të cilët pretenduan se dhanë paratë, por edhe bënë kallëzimin për 3 inspektorët, akuza që për të paktën mbi dy inspektorët ranë.
Vendimi për tre zyrtaret
– Ilir Nishani u deklarua i pafajshëm për akuzën e “Korrupsionit pasiv të personave që ushtrojnë funksione publike”, e kryer në bashkëpunim, pasi nuk u provua kryerja e veprës penale.
– Gerson Tafa u shpall fajtor për kryerjen e të njëjtës vepër penale, parashikuar nga neni 259/1 i Kodit Penal, dhe u dënua me 2 vite burgim. Megjithatë, në zbatim të nenit 59 të Kodit Penal, gjykata vendosi pezullimin e ekzekutimit të dënimit dhe vënien në provë për 24 muaj, me kusht që gjatë kësaj periudhe ai të mos kryejë vepër tjetër penale dhe të qëndrojë në kontakt me Zyrën e Shërbimit të Provës. Gjykata vendosi gjithashtu heqjen e së drejtës për të ushtruar funksione publike për një periudhë 5-vjeçare.
– Genci Hicka u shpall po ashtu i pafajshëm, pasi nuk u provua përfshirja e tij në kryerjen e veprës penale të korrupsionit pasiv në bashkëpunim.
Discussion about this post