Seanca e radhës në Hagë për ish-krerët e UÇK-së do të mbahet ditën e sotme. Në njoftimin e publikuar nga Dhomat e Specializuara është bërë ditur që seanca do të nisë në orën 14:30. Seanca do të mbahet për Hashim Thaçin, Kadri Veseli, Rexhep Selimin dhe Jakup Krasniqin.
Njoftimi i plotë:
Konferencë e gjashtë për ecurinë e çështjes në çështjen Thaçi dhe të tjerët më 21 korrik. Siç është njoftuar në Kalendarin tonë të Gjykatës, Konferenca e gjashtë për ecurinë e çështjes në çështjen kundër Thaçit, Veselit, Selimit dhe Krasniqit do të mbahet të mërkurën, më 21 korrik në orën 14:30.
Veprat që rëndojnë ndaj Thaçit, Veselit, Selimit dhe Krasniqit kanë të bëjnë me krime lufte, ndalimit të paligjshëm ose arbitrar, trajtimit mizor, torturës dhe vrasjes së paligjshme dhe krimet kundër njerëzimit të burgosjes, akteve të tjera çnjerëzore, torturës, vrasjes së paligjshme, zhdukjes me forcë të personave dhe përndjekjes, të cilat sipas Dhomave të Specializuara, janë kryer midis marsit 1998 dhe shtatorit të vitit 1999.
