Dy shtetas turq janë arrestuar nga policia e kryeqytetit, pasi dyshohet se shfrytëzonin dy shtetase të huaja për prostitucion.
Në pranga përfunduan shtetasja M. H., 27 vjeçe dhe shtetasi S. B., 31 vjeç, të dy banues në Tiranë, për veprën penale “Shfrytëzimi i prostitucionit”, kryer në bashkëpunim.
Nga veprimet hetimore ka rezultuar se shtetasit turq, në bashkëpunim me njëri-tjetrin, shfrytëzonin për prostitucion një shtetase nga Turqia dhe një shtetase nga Azerbajxhani.
Aktiviteti i paligjshëm ushtrohej në një apartament në Rrugën e Barrikadave.
Krahas arrestimeve policia procedoi penalisht në gjendje të lirë dhe 2 shtetaset që ushtronin prostitucion.
Gjatë kontrolleve në apartament, u sekuestruan në cilësinë e provës materiale 2500 euro dhe 200 dollarë të dyshuara të përfituara nga kjo veprimtari e paligjshme, si dhe 3 celularë.
Pas përfundimit të operacionit, u arrestuan dy shtetasit, ndërsa dy shtetase të tjera janë përfshirë në hetime për aktivitetin e paligjshëm. Gjatë kontrollit, u sekuestruan 2500 euro dhe 200 dollarë, të dyshuara të përfituara nga ky aktivitet, si dhe tre celularë të përdorur për organizimin e tij.
Discussion about this post