Pak më parë kanë mbërritur në Gjykatën e Shkodrës, efektivët e policisë të arrestuar për favorizime ne tenderë. Në mesin e të arrestuarve është edhe Saimir Rustemi, ish -shef i rendit Shkodër, pasi akuzohet se ka lejuar shkeljen e ligjit, duke përfituar nga posti që mbante. Por, këto akuza nuk pranohen nga qytetarët shkodran, të cilët e njohin prej kohësh Rustemin. Prandaj, sot ata kanë dalë me pankarta në duar, duke protestuar para gjykatës.
Jashtë gjykatës dhjetëra qytetarë kërkojnë që Rustemi të lirohet, pasi ndaj tij po bëhet padrejtësi. qytetarë ” Nderoni veten! Lironi shef Saimirin”, ” Shkodra do shef Saimirin Jo Kriminelet”, “Shef Saimiri, krenaria e policisë”, janë disa nga mesazhet.
Plot 14 persona u arrestuan në radhët e policisë së Shkodrës, efektivë dhe ish-efektivë. Shkak për këtë janë bërë akuzat për abuzim me tenderin e rikonstruksionit të godinës së komisariatit të Malësisë së Madhe.
Discussion about this post