Gjykata Themelore e Prishtinës ka shpallur të pafajshëm Milaim Zekën, i cili akuzohet për falsifikim vizash. Lajmin e ka bërë të ditur vetë gazetari përmes një postimi në Facebook. Ndërsa shprehet i indinjuar për këto akuza që i bëhen Zeka ka thënë se kurrë gjatë jetës s’ka përjetuar “ torturë më të madhe” se kjo. Ai tha se për 5 vite ka ndjerë një barrë të rënë, ndërsa falënderon të gjithë ata që e besuan dhe e mbështetën.
“Pas 5 viteve vuajtje shpirtërore, fizike, materiale, morale, sot, Gjykata, nga një trup gjykues që vendosin mbi prova, e jo fjale rrugësh, me ka shpallur të pafajshëm nga te gjitha pikat e akuzave: mashtrim me viza, shpëlarje parash, dhe shmangie nga tatimi!
Faleminderit shumë të gjithë juve që besuat ne pafajësinë time. Kurrë në jetën time nuk kam përjetuar torturë më të madhe se sa kjo e këtyre pese viteve! Faleminderit shume!”, ka shkruar Zeka. Ndërsa shprehet se tashmë do të mbajnë përgjegjësi ata që tentuan të hidhnin baltë mbi emrin e tij.
Discussion about this post