Prokuroria Themelore e Prishtinës ka marrë vendim për ndalimin e kryetarit të Federatës së Futbollit të Kosovës, Agim Ademi, për një periudhë prej 48 orësh.
Lajmin e ka konfirmuar Prokuroria me një njoftim për media.
Ademi dyshohet për veprat penale “Mashtrim” dhe “Shmangie nga tatimi”.
NJOFTIMI:
Prokuroria Themelore në Prishtinë, njofton opinionin publik se pas ndërmarrjes se veprimeve paraprake hetimore, Prokurori i Shtetit ka lëshuar aktvendim mbi ndalimin e Kryetarit të Federatës së Futbollit të Kosovës, për shkak të dyshimit të kryerjes së veprave penale “Mashtrim”, nga neni 330 dhe “Shmangie nga tatimi”, nga neni 307 të KPRK-së.
I njëjti me urdhër të Prokurorit të Shtetit është dërguar në mbajtje në kohëzgjatje prej 48 orësh, derisa në koordinim me Policinë janë duke u ndërmarrë veprime hetimore lidhur me këtë çështje penale.
Discussion about this post