Një 47-vjecar është arrestuar nga uniformat blu të Tiranës pasi akuzohet se ka ngacmuar seksualisht një të mitur. Sipas policisë bëhet fjalë konkretisht për personin e identifikuar me iniciale S. G., i cili rezulton i dënuar më parë për veprat penale “Dhuna në familje” dhe “Plagosje e lehtë me dashje”. Ndër të tjera në njoftimin për shtyp policia jep detaje se i arrestuari i kishte ofruar të miturës një shumë parash në këmbim të marrdhënieve seksuale. Gjithashtu, ky shtetas ka ushtruar dhunë fizike ndaj dy djemve të tij si dhe ka hyrë me forcë në banesën e një komshie të tij dhe ka ushtruar dhunë fizike dhe ndaj saj. Gjatë kontrollit fizik iu gjet dhe iu sekuestrua një dorezë metalike.
