Futbollisti i Manchester City-t, Benjamin Mendy do të qëndrojë në paraburgim para seancës gjyqësore që do të vendosë dënimin e tij vitin e ardhshëm, pasi u akuzua për sulme seksuale ndaj tre grave.
27-vjeçarit, i cili ka qenë në paraburgim për rreth shtatë javë, iu refuzua lirimi me kusht në një seancë 50-minutëshe në Gjykatën e Kurorës Chester.
Francezi, i cili nuk ishte në gjyq, po mbahet me paraburgim në HMP Altcourse, Liverpool. Kjo ishte kërkesa e tretë e bërë nga Mendy, por që nuk u pranua raporton ‘The Sun’, ndërsa lojtari ende nuk i ka pranuar akuzat e katër përdhunimeve.
Sulmet e supozuara, ndaj tre grave të ndryshme duke përfshirë një nën moshën 18-vjeçare, asnjëra prej të cilave nuk mund të identifikohet, thuhet se kanë ndodhur në shtëpinë e tij në Withinlee Road në Prestbury, Cheshire.
Mendy u akuzua më 26 gusht, me tre akuza për përdhunim në lidhje me një incident të supozuar në tetor 2020 dhe për sulm seksual të një gruaje në fillim të janarit të këtij viti.
Manchester City pezulloi mbrojtësin e majtë në gusht, në pritje të përfundimit të hetimit dhe tani emri i tij nuk rezulton si një lojtar që mund të blihet, me tifozët që nuk mund të kenë fanella me emrin dhe numrin e tij në anën e pasme./K.T/Gijotina.com
