Policia italiane ka zbardhur emrin e shqiptarit i cili u vra një ditë më parë në një atentat mafioz në Piza. Bëhet fjalë për Elson Kalaverin, në person i skeduar më herët në vendin tonë për ngjarje kriminale.
Ai ka qenë i arrestuar për një plagosje të ndodhur në Mamurras në vitin 2014. Në atë kohë Kalaveri qëlloi në kokë Genti Keçin brenda ambjenteve të komisariatit të Mamurrasit duke e lënë të plagosur.
Sipas hetimeve, edhe policia shqiptare është njoftuar për ekzekutimin e 36-vjeçarit dhe sëbashku me italianët po bashkëpunojnë me qëllim zbardhjen e ngjarjes. Deri më tani dyshohet se shkak i sulmit me armë të jetë hakmarrja për shkak të ngjarjeve ku viktima është implikuar në të kaluarën e tij.
Mediat italiane kanë përshkruar dhe itinerarin e vrasjes, ku sipas tyre Kalaveri është qëlluar brenda në makinë e cila drejtohej nga një person tjetër. Pas sulmit automjeti ka përshkuar disa metra për të shkuar për ndihmë por shqiptari nuk arriti tu mbijetojë plagëve të marra.
Sipas dëshmive të para, dyshihet se autorët janë larguar me një makinë me një ngjyrë të errët. Sipas oficerëve italianë, viktima ka precedent penalë edhe në shfrytëzimin e prostitucionit në vendin fqinj dhe kjo është një nga pistat e hetimit bashkë me atë të dyshimeve për hakmarrje për ngjarjet ku është implikuar viktima në Shqipëri.
Discussion about this post