Një 34-vjeçare është nën hetim pasi akuzohet se ka braktisur fëmijët e mitur.
Policia e Skraparit njofton se kallëzim për nënën e re e ka bërë bashkëshorti i saj, i cili ka deklaruar se e shoqja është larguar nga vendi duke braktisur fëmijët.
“Komisariati i Policisë Skrapar referoi materialet në Prokurori, ku nisi procedimi në gjendje të lirë për shtetasen J. R., 34 vjeçe, pasi ka kallëzuar bashkëshorti i saj, se kjo shtetase është larguar nga vendi dhe ka braktisur 2 fëmijët e tyre të mitur”, thuhet në një njoftim të bluve për rastin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat për veprime të mëtejshme, shtuan të njëjtat burime.
Discussion about this post