Facundo Medina, futbollisti i Lens dhe kombëtares së Argjentinës ndodhet në paraburgim policor pasi dyshohet se ka ushtruar dhunë ndaj ish-të dashurës së tij.
L’Équipe raporton se mbrojtësi i Lens Facundo Medina është në paraburgim policor që nga mëngjesi i sotëm, ndërsa ngjarjet dyshohet se kanë ndodhur në prag të Krishtlindjeve, pas një debati mes tyre.
Argjentinasi e mohon këtë, ndërsa një burim pranë lojtarit pohon se ka qenë e dashura ajo që i është hedhur në qafë para se ai ta largonte, pa e sulmuar.
L’Équipe shton se gruas së re i është dhënë një ditë pushim nga puna dhe ka bërë një ankesë zyrtare. Medina u thirr në stacionin policor për të shpjeguar veten, përpara se të arrestohej. Mësohet se seanca e tij ka përfunduar pasditen e sotme, ndonëse nuk ka asnjë të dhënë për hapat e radhës ligjore në këtë çështje.
Discussion about this post