Akuzohet se ngacmoi një të mitur, arrestohet 60-vjeçari në Berat

Një 60 vjeçar nga Berati është arrestuar nga policia pasi dyshohet se ka ngacmuar seksualisht një 15 vjeçar.

Fillimisht 60 vjeçari është hetuar në gjendje të lirë, ndërsa më 16 dhjetor Gjykata e Beratit vendosi masën e sigurisë ‘Arrest me burg’.

“Komisariati i Policisë Berat ndaloi shtetasin R. O., 60 vjeç, banues në Berat. Ky shtetas është proceduar në gjendje të lirë në datën 25.11.2024 dhe Gjykata e Shkallës së Parë të Juridiksionit të Përgjithshëm Berat, me vendimin e datës 16.12.2025, ka vendosur masën e sigurisë “Arrest në burg”, për veprën penale “Ngacmim seksual”, sepse dyshohet se më datë 25.11.2024, ka ngacmuar seksualisht një 15-vjeçar“, informoi sot policia lokale.