Akuzohet se përdhunoi 14-vjeçaren, arrestohet 32-vjeçari në Gjirokastër

Një 32-vjeçar në Gjirokastër ka rënë në prangat e Policisë, pasi dyshohet se ka përdhunuar një vajzë të mitur, 14-vjeçe.

Përmes një njoftimi policia bën të ditur se 32-vjeçari, sipas kallëzimit të vajzës, e ka ngacmuar disa herë seksualisht të miturën.

Ai do të përballet me akuzat për “Ngacmimi seksual” dhe “Marrëdhënia seksuale ose homoseksuale me dhunë me të mitur të moshës 14-18 vjeç”.

“Komisariati i Policisë Gjirokastër arrestoi në flagrancë shtetasin Xh. Ç., 32 vjeç, banues në Gjirokastër, për veprat penale “Ngacmimi seksual” dhe “Marrëdhënia seksuale ose homoseksuale me dhunë me të mitur të moshës 14-18 vjeç”, pasi ka kallëzuar një shtetase 14 vjeçe, se 32-vjeçari e ka ngacmuar seksualisht në mënyrë të përsëritur dhe gjatë muajit nëntor ka kryer marrëdhënie seksuale me dhunë me të.  Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, njoftoi policia.