Komisariati i Policisë Korçë ka arrestuar në flagrancë shtetasin Nesti Zhorbo 56 vjeç, banues në qytetin e Korçës, pasi dyshohet se ka tentuar të kryejë veprime të turpshme me dy vajza të moshës 7-8 vjeç.
Burime policore thanë se 56 vjeçari ka qenë i ulur në një prej lulishteve të qytetit të Korçës kur pranë tij kanë qenë duke luajtur dy vajzat e mitura.
Të njëjtat burime sqaruan se 56 vjeçari ka tentuar ti prekë në disa pjesë të trupi dy minorenet. Ky moment është parë nga disa kalimtarë të rastit por edhe një prej familjarëve të vajzave, të cilët kanë lajmëruar menjëherë policinë e cila ka bërë të mundur arrestimi e 56 vjeçarit.
Burime pranë policisë së Korçës thanë se Nesti Zhorbo ka kryer dhe me parë gjeste të turpshme në vende publike, por është proceduar në gjendje të lirë.
56-vjeçari pritet të dalë pas dy ditësh përballë gjykatës për t’u njohur me masën e sigurisë.
Ky është rasti i dytë në pak ditë, ku vajza të mitura bien pre e ngacmimeve seksuale nga burra në moshë. Më 30 gusht një 71-vjeçar u arrestua në Maliq pasi familjarët e një 9-vjeçare e denoncuan në polici, pasi tentoi të kryejë marrëdhënie me vajzën në një kënd lojërash në fshatin Sheqeras.
Discussion about this post