Vetëdorëzohet në polici pas disa orësh 49-vjeçari shqiptar Avni Meçja. Ai akuzohet se vrau bashkëshorten e tij rumune Alexandra Elena Mocanu. Ngjarja e rëndë ndodhi në kryeqytetin e Tirolit Jugor. Trupi i 35-vjeçares u gjet dje në shtëpinë e saj në Viale Trieste 42. Mediet italiane kanë raportuar se vrasja ka ndodhur që të shtunën.
I dyshuari kryesor është burri i saj Avni Meçja. Ky i fundit i ka telefonuar vëllait të tij të shtunën për t’i thënë se duhej të ikte pasi ishte në kërkim.
Alexandra punonte në një lokal në një qendër tregtare në via Galvani.
“Alexandra portretizohet si një punëtore gjithmonë e disponueshme dhe e pëlqyer”, thanë kolegët e saj.
Ndërsa fqinjët kanë deklaruar se shpesh i dëgjonin të dy duke u grindur, ndonjëherë edhe britmat e saj.
Discussion about this post