Pas sigurimit të Cristiano Ronaldos, Al Nassr duket se dëshiron të vazhdojë të përforcojë skuadrën me emra të mëdhenj të futbollit europian. Objektivi i fundit do të ketë qenë Modric.
Sipas Marca , sauditët ishin në Evropë, ku diskutuan mundësinë e nënshkrimit të Sergio Ramos, një qendërmbrojtës aktualisht tek Paris Saint-Germain, dhe Modric, një mesfushor i Real Madridit.
Sipas të njëjtit burim, futbollisti kroat ka refuzuar mundësinë, duke dashur të qëndrojë në Madrid. Modric përfundon kontratën e tij në fund të sezonit, por dëshira e tij është të vazhdojë kontratën me Real Madridin për të paktën një sezon.
Marca gjithashtu thekson se klubet e MLS-së tashmë janë përpjekur ta marrin mesfushorin 37-vjeçar në Shtetet e Bashkuara të Amerikës, me përgjigjen e Modric-it: “jo”.
Modric ka luajtur 19 ndeshje këtë sezon, ku ka pesë gola dhe dy asistime për Real Madridin, klubin që ai ka përfaqësuar që nga sezoni 2012/2013.
Discussion about this post