Al Nassr mendon për bomberin uruguaian për t’i ardhur në ndihmë CR7-ës

Al Nassr, kërkon të forcohet akoma më shumë për të fituar kampionatin saudit si dhe për të bërë një paraqitje të mirë në AFC Champions League.

Afrimi në janar, i Cristiano Ronaldos, ka dhënë rezultate, por më shumë, vetëm përsa i përket anës komerciale, me klubin që e mbylli sezonin, pa asnjë titull.

Një emër shumë i njohur, flitet se mund t’i afrohet verdhebluve.

Qendërsulmuesi uruguaian Edinson Cavani, mund të trasnferohet e tij në kampionatin e Arabisë Saudite.

Sipas “Todofichajes”, kryeqytetasit sauditë dëshirojnë të nënshkruajë me golashënuesin 36-vjeçar për të mbështetur CR7-ën, në repartin e avancuar.

Cavani luan për Valencian, ku bëri 25 paraqitje sezonin e kaluar në La Liga, duke shënuar pesë gola dhe duke asistuar dy herë.