Suksesi në finalen e Kupës së Kampionëve të Botës Arabe, duket se nuk ka dhënë efekt pozitiv te skuadra e Al Nassr, e cila pas javës së parë të kampionatit, që e nisi me humbje ndaj Al Etiffaq të Steven Gerrard, është mposhtur përsëri, kësaj radhe nga Al Taawon.
Humbja me rezultatin 2-0, për më tepër në Riad, nuk është një sinjal i mirë për skuadrën e CR7 dhe Sadio Mane, të cilët e shohin veten e tyre në kuotën e 0 pikëve, megjithatë është vetëm fillimi.
Për Al Taawon shënuan Tawamba (20’) dhe Bahusayn (96’), me vendasit që panë në fund të pjesës së parë, ndër të tjera, t’ju anulohej një 11-metërsh nga sistemi VAR.
Miqtë, arritën kështu një fitore të rëndësishme, duke shkuar në kuotën e 4 pikëve. Al Nassr, ndërkohë duhet të rikuperojë përqëndrimin në prag të ndeshjes play-off për në fazën e grupeve AFC Champions League ndaj emiratinëve të Al Ahli./m.b /gijotina.com
Discussion about this post