Gjatë natës së djeshme në spitalin e Krujës, një numër i konsiderueshëm pacientësh janë paraqitur për të marrë ndihmë mjekësore me simptoma të helmimit.
Burimet pranë këtij spitali dyshohejnë se ata janë helmuar nga uji. Në dy ditët e fundit në urgjencën e Infektivit dhe atë të Pediatrisë ka pasur fluks pacientësh me diarre dhe të vjella.
Policia e Krujës ka ngritur një grup pune për sqarimin e rrethanave dhe zbardhjen e shkakut. Gjithashtu për situatën kanë vënë në dijeni organet e shëndetit publik dhe të AKU-së. Policia sqaron se janë në pritje edhe të rezultateve të analizave të ujit.
Në muajin korrik të këtij viti, u shënua një tjetër rast i ngjashëm në Komunën e Deçanit u helmuan rreth 1500 banorë nga uji i pijshëm.
