Situata e motit të keq në Itali vijon ende, dhe autoritetet vendase kanë vendosur sërish alarmin e kuq.
Parashikimet e motit tregojnë më shumë shi, si dhe një ciklon të fuqishëm që vjen nga Tunizia . Në provincën e Ravenës, në zonën e Belricetto di Lugo, një helikopter i angazhuar në kontrollimin e linjave të energjisë elektrike u rrëzua. Si pasojë, i plagosur ka mbetur një person që ndodhej në bord në momentin e incidentit.
Në të gjithë provincën e Ravenës, më shumë se 16% e territorit komunal është evakuuar.
Mediat italiane raportojnë se kryeministrja Giorgia Meloniai mund të largohet më herët nga samiti i Hiroshimës G7 dhe do kthehet në Itali, për të ndjekur nga afër situatëtn e motit të keq në vend. Shumë liderë botërorë kanë shprehur solidaritetin e tyre me kryeministren italiane. Joe Biden gjithashtu shprehu ngushëllimet për viktimat në Itali, si dhe mbështetjen e tij.
Gjithashtu, ditën e sotme një person u godit nga një pemë dhe mbeti i vdekur në Reggio Calabria
Personi humbi jetën pasi u godit nga një pemë që u shemb nga erërat e forta. Aksidenti ka ndodhur në jug të qytetit dhe kanë ndërhyrë zjarrfikësit. Burri po shëtiste qenin e tij, kur u zu poshtë nga pema. Vala e motit të keq që preku rajonin, solli erëra shumë të forta në Reggio Calabria.
Discussion about this post