Jeta e ukrainasve po vihet gjithmonë e më shumë në rrezik për shkak të agresionit rus. Qyteti ukrainas i Mariupolit është një ndër më të shkatërruarit dhe me numrin më të lartë të viktimave civile. Lufta për mbijetesë atje po ashpërsohet për shkak se, ata që kanë mbijetuar kane mbetur pa rezerva ushqimore, ujë dhe ilaçe. Ndërkohë, u kanoset dhe një rrezik tjetër për shkak të kushteve shumë të këqija sanitare ku po qëndrojnë.
Sëmundjet si kolera ose dizenteria rrezikojnë të përhapen, teksa koha sa vjen e ngrohet. Pamjet e publikuara nga mediat e huaja tregojnë se, nën rrënoja ka ende shumë trupa të vdekur, të cilët po dekompozohen, ndërsa banorët nuk kanë furnizimi me ujë të pastër. Kujtojmë se për këtë qytet janë mbyllur dhe korridoret humanitare, kështu ata e kanë të pamundur të evakuohen.
Sekretari i Përgjithshëm i OKB-së Antonio Guterres është sot në Kiev duke folur me presidentin ukrainas Volodymyr Zelensky për të diskutuar ngritjen e korridoreve humanitare për të larguar njerëzit nga Mariupoli, që tashmë më shumë i ngjan një varreze të shkretë se sa një qyteti.
Discussion about this post