Ministria e Punëve të Brendshme e Maqedonisë së Veriut ka bërë të ditur se disa institucioneve arsimore në kryqeqytetin e vendit Shkup dhe në qytete të tjera të vendit janë evakuuar për shkak të raportimeve për vendosjen e mjeteve shpërthyese
Siç raportojnë mediat lokale, raportimet për vendosjen e mjeteve shpërthyese janë pranuar mëngjesin e sotëm në postat elektronike zyrtare të institucioneve arsimore. Ministria e Punëve të Brendshme tha se kërcënime për bombë ka pasur në disa shkolla në Aerodrom të Shkupit, në Komunën Qendër dhe në Shtip. Pas denoncimeve, policia në vendngjarje ka marrë masa për evakuimin të sigurt të nxënësve dhe punonjësve.
Kryetari i Komunës së Shtipit, Ivan Jordanov ka thënë se këto raportime janë të rreme. Ai e quajti një “sulm kibernetik”, i cili ka për qëllim të shkaktojë trazira mes mësimdhënësve dhe nxënësve.
Kërcënime për bombë janë raportuar edhe në shkolla në Tetovë, Ohër dhe Kumanovë. Në shumë shkolla, pas inspektimeve nga Ministria e Punëve të Brendshme, mësimi ka rifilluar, ndërkohë më shumë informacione lidhur me këto incidente priten gjatë ditës.
Kujtojmë se kërcënime të ngjashme për vendosjen e mjeteve shpërthyese nëpër shkolla, institucione dhe vende të tjera, kryesisht në Shkup, ka pasur edhe në fund të vitit 2022, duke kulmuar më 16 dhjetor të atij viti kur ndër objektivat ishte hoteli ku ishte organizuar një ngjarje me pjesëmarrjen e ish-kryeministrit Dimitar Kovaçevski, e cila si pasojë u anulua, si dhe Aeroporti Ndërkombëtar i Shkupit. Atë kohë, autoritetet kompetente pas kontrolleve të gjitha kërcënimet i konstatoi se ishin të rreme
Discussion about this post