Muzeu i Luvrit, më i vizituari në botë, u mbyll në mënyrë të jashtëzakonshme për “arsye sigurie” të lidhura me alarmin për terrorizëm, pas sulmit që në Arras, në veri të Francës shkaktoi vdekjen e një profesori.
Një zëdhënëse saktësoi për AFP se “Louvri mori një mesazh me shkrim që tregonte një rrezik për muzeun dhe vizitorët e tij. Ne zgjodhëm ta evakuonim dhe ta mbyllnim për gjithë ditën, kohën e nevojshme për të kryer kontrollet thelbësore”.
Shërbimi i komunikimit i Luvrit i tha transmetuesit FranceInfo se “kontrollet janë duke u zhvilluar në ndërtesë”, duke theksuar se këto masa sigurie marrin parasysh kontekstin, pas rritjes së nivelit të alarmit të planit të Vigipirate për “gadishmëri sulmi” pas sulmit në Arras.
Evakuimi është pjesë e protokollit të zakonshëm në këtë situatë.
Discussion about this post