Alarm për bombë pranë burgut të Burrelit

Një alarm për bombë ka shqetësuar qytetarët e Burrelit. Në një lulishte pranë burgut është konstatuar një pako e dyshimtë.

Policia ka rrethuar zonën dhe forcat xhenio kanë shkuar në vendngjarje.

“Në lulishten e lagjes ‘Pjetër Budi’, në qytetin e Burrelit, është konstatuar një pako e vogël, dyshohet me lëndë plasëse artizanale e paplasur. Nga shërbimet e specializuara xheniere, po bëhet verifikimi për përmbajtjen e pakos dhe më pas heqja e saj. Grupi hetimor në drejtimin e Prokurorisë, vijon punën për zbardhjen e plotë të rrethanave të këtij rasti, si dhe për identifikimin dhe kapjen e autorit/ëve”, njoftoi policia.