Partizani ka zhvilluar ditën e djeshme stërvitjen e radhës në kuadër të përgatitjeve për ndeshjen ndaj Bylisit. Ky takim do të luhet të dielën në orën 13:00 në stadiumin “Partizani”.
Mungesat e sigurta për këtë ndeshje janë Viktor da Silva dhe Masanga Matondo, të cilët u dëmtuan në sfidën me Egnatian. Braziliani dje është stërvitur në palestër, por ka zbarkuar edhe në fushë, ku është angazhuar me vrapim të lehtë.
Nga ana tjetër, Matondo, i cili ka një dëmtim më serioz, është stërvitur vetëm në palestër. Problem dje ka shfaqur edhe Bruno Telushi, i cili nuk arriti ta mbyllë gjithë seancën stërvitore.
Gjendja e mesfushorit do të shihet pas testeve, por prania e tij me Bylisin është në dyshim.
Nëse mungon edhe Telushi, problemet për Kolelën në mesfushë do të ishin të mëdha, pasi mungon edhe Matondo dhe opsionet janë të pakta.
Lexo edhe:
“Partizani i fortë, në sulm duhet…”, Jasir Asani: “Demat” e kanë në dorë çështjen e titullit!
Discussion about this post