Virozat e stinës kanë prekur një numër të konsiderueshëm fëmijësh në qytetin e Fierit ku çdo ditë paraqiten në urgjencën e pediatrisë rreth 50-60 fëmije.
Sipas mjekes pediatre Albana Haxhiu virozat janë një trend në rritje në këtë periudhë të vitit jo vetëm për shkak të luhatjeve të temperaturave por edhe si pasojë e ndryshimit të paternit klinik të virozave.
“Nëse në fillim të vitit ka pasur viroza të aparatit respirator tani ka raste të entero virozave.”
Po sipas mjekes pediatre simptomat virale të fëmijëve janë temperatura e lartë dhe dehidrim duke dhënë këshilla për konsum të lëngjeve
Mjekja Albana Haxhiu: Në spitalin rajonal të Fierit, në pediatri, me rritjen e temperaturave, ka një paraqitje pre 50-60 fëmijësh në 24 orë, që kanë nevojë për asistencë mjekësorë. Paraqiten me shenja të temperaturës, të vjella dhe dehidrim.
Ata fëmijë që kanë nevojë për trajtim, qëndrojnë në pediatri.
Mjekja pediatre ka pohuar gjithashtu se raste të rënda nuk ka pasur ndërkohë që shtrimet në spital shkojnë deri në 10 raste në dite.
Discussion about this post