Alarme për bomba në disa aeroporte, çfarë po ndodh

Në disa aeroporte në Europë janë lëshuar alarmed për bomba, ku duket se Franca është më e ekspozuara.

Sipas raportimeve ndërkomvëtare, në Francë janë lëshuar kërcënime për bomba në 14 aeroporte, nga të cilët  8 prej tyre janë evakuuar, deklaron AFP-ja.

Aeroportet të cilët u evakuuan janë Brest (Finistère), Carcassonne (Aude), Rennes (Ille-et-Vilaine), Tarbes (Hautes-Pyrénées), Bordeaux-Mérignac (Gironde), Béziers (Hérault), Montpellier (Hérault) dhe Nantes (Loire-Atlantique).

Në lidhje me situatën ka reaguar edhe ministri i Transportit i Francës, Clément Beaune, i cili u zotua të godasë kërcënimet e rreme që kanë pllakosur aeroportet dhe atraksionet turistike në ditët e fundit.

“Këto alarme të rreme nuk janë shaka të këqija. Ato janë krime dhe për këtë do të këtë sanksione”, shkruan Beaune në platformën “X”.

Por një alarm për bombë ka  detyruar edhe aeroportin Basel-Mulhouse, në Zvicër që të evakuohet.

Kërcënimi ka qenë i ngjashëm me ato në aeroportet e tjera franceze që është dashur të evakuohen ditët e fundit.

Autoritetet e aeroportit kanë konfirmuar për Blick se aeroporti duhej të evakuohej për “arsye sigurie”.

Autoritetet kanë njoftuar se pasdite “masa të shumta kontrolli dhe verifikimi” ishin marrë për të siguruar jetën e të gjithë personave që punonin dhe qytetarëve që ndodheshin në ato momente.

Udhëtarët u transportuan me autobusë në pikat e grumbullimit jashtë tij.