Ambasada e Shteteve të Bashkuara në Tiranë ka përcjellë një njoftim të rëndësishëm sigurie për qytetarët amerikanë, duke reflektuar udhëzimet e fundit të Departamenti i Shtetit i SHBA-së për rritjen e kujdesit në nivel global.
Sipas njoftimit, amerikanëve në mbarë botën dhe në mënyrë të veçantë në rajonin e Lindjes së Mesme u kërkohet të tregojnë vigjilencë të shtuar për shkak të zhvillimeve të fundit të sigurisë.
Një shqetësim i ngritur lidhet me faktin se objektet diplomatike amerikane edhe jashtë Lindjes së Mesme kanë qenë në shënjestër në raste të ndryshme.
Autoritetet amerikane nënvizojnë se grupe të lidhura me Irani mund të synojnë interesa të tjera të SHBA-së jashtë territorit amerikan, përfshirë vendet partnere ose qytetarët amerikanë në nivel global.
Postimi i ambasades
Departamenti i Shtetit u këshillon amerikanëve në mbarë botën, dhe veçanërisht në Lindjen e Mesme, të tregojnë kujdes të shtuar. Amerikanët jashtë vendit duhet të ndjekin udhëzimet në njoftimet e sigurisë të lëshuara nga ambasada ose konsullata më e afërt e Shteteve të Bashkuara. Mbylljet periodike të hapësirës ajrore mund të shkaktojnë ndërprerje të udhëtimeve. Objektet diplomatike të Shteteve të Bashkuara, përfshirë ato jashtë Lindjes së Mesme, janë shënjestruar. Grupet mbështetëse të Iranit mund të shënjestrojnë interesa të tjera të Shteteve të Bashkuara jashtë vendit ose vende të lidhura me Shtetet e Bashkuara dhe/ose amerikanët në të gjithë botën.
gijotina.com/
Discussion about this post