Qindra qytetarë të Kukësit janë paraqitur në urgjencën e spitalit rajonal brenda 24 orëve.
Më shumë se 200 pacientë kanë kërkuar ndihmë mjekësore pasi kanë pasur komplikacione si helmim, të vjella dhe të dridhura në trup.
Urgjenca ka nisur që nga dita e shtunë dhe dyshohet se qytetarët janë helmuar nga konsumimi i ujit të pijshëm. Pritet që të dalin rezultatet e analizave.
Kryebashkiaku i Kukësit, Safet Gjici deklaroi se nuk ka asnjë problem që uji është përzierë me ujin vaditës. Qytetarët kanë marrë masa duke shmangur konsumin e ujit nga çezmat në shtëpi.
Discussion about this post