Alarmi për bombë në SPAK, policia sqaron ngjarjen

Pas alarmit për bombë në SPAK, ka reaguar policia e Tiranës. Uniformat blu deklarojnë që kanë marrë një telefonatë anonime për godinën ku ndodhen SPAK dhe GJKKO. Bëhet fjalë për rrugën “Jordan Misja”.

Shërbimet e Policisë “kanë kontrolluar godinën dhe zonën përreth dhe nga verifikimet e kryera dhe kontrolli paraprak i kryer, ka rezultuar se është njoftim i rremë”.

Policia thotë se po punon për identifikimin e telefonuesit pasi pas kryerjes së telefonatës, ka fikur telefonin.

Lexo edhe: Bombë në SPAK? Telefonata alarmon Policinë e Shtetit

 Tiranë/Informacion paraprak

Rreth orës 11:00, në Sallën Operative ka ardhur një telefonatë për një sasi lënde plasëse që dyshohet se është vendosur në një institucion zyrtar, në rrugën “Jordan Misja”.

Shërbimet e Policisë kanë kontrolluar godinën dhe zonën përreth dhe nga verifikimet e kryera dhe kontrolli paraprak i kryer, ka rezultuar se është njoftim i rremë.

Po punohet për identifikimin e telefonuesit pasi pas kryerjes së telefonatës, ka fikur telefonin.