Një lajm që qarkullon që prej ditës së djeshme për shitjen e të dhënave të WhatsApp të mbi 500 milionë përdoruesve në botë, ka përhapur panik. Një mostër e të dhënave e hetuar nga Cybernews konfirmon që kjo është e vërtetë.
Më 16 nëntor, një person postoi një reklamë në një forum të njohur të komuniteti të hakereve, duke pretenduar se ata po shisnin një bazë të dhënash të vitit 2022 me 487 milionë numra celularë të përdoruesve të WhatsApp. Të dhënat supozohet se përmbajnë të dhëna të përdoruesve të WhatsApp nga 84 vende, në mesin e tyre është edhe Shqipëria. Ky person pretendon se janë përfshirë mbi 32 milionë të dhëna përdoruesish në SHBA.
Një pjesë tjetër e madhe e numrave të telefonit iu takojnë qytetarëve të Egjiptit (45 milionë), Italisë (35 milionë), Arabisë Saudite (29 milionë), Francës (20 milionë) dhe Turqisë (20 milionë).
Të dhënat për shitje gjithashtu dyshohet se kanë afro 10 milionë numra telefoni të qytetarëve rusë dhe mbi 11 milionë të Mbretërisë së Bashkuar. Në Shqipëri pretendohet të kenë numra telefoni të 506,602 personave.
Një person tha për Cybernews se ata po i shisnin të dhënat e SHBA-së për 7,000 dollarë, të Mbretërinë e Bashkuar – 2,500 dollarë dhe Gjermanisë – 2,000 dollarë.
Një informacion i tillë përdoret më së shumti nga sulmuesit për sulme mashtruese, për t’iu kërkuar përdoruesve të dhëna personale si numra të kartave të kreditit, prandaj përdoruesit duhet të jenë të kujdesshëm ndaj çdo thirrjeje nga numra të panjohur, thirrje dhe mesazhe të pakërkuara.
WhatsApp raportohet të ketë globalisht më shumë se dy miliardë përdorues aktivë mujor. Me kërkesë, shitësi i bazës së të dhënave të WhatsApp ndau një mostër të dhënash me studiuesit e Cybernews. Në mostrën e përbashkët kishte 1097 numra përdoruesish në Mbretërinë e Bashkuar dhe 817 në SHBA.
Discussion about this post