Këngëtari i njohur Alban Skenderaj duket se ka thumbuar me postimin e fundit të gjithë këngëtarët e rinj që po i shtohen tregut muzikor teksa ndau disa video nga prapaskenat e klipit të tij të ri.
Duket se projekti i tij i ri do të jetë një bashkëpunim me partneren, Miriam Canin, ndërsa çifti nuk kanë publikuar ende datën e lançimit të këngës.
Por, këngëtari dhe kompozitori ka ndarë me ndjekësit në rrjetet sociale disa video nga prapaskenat e klipit. Në një nga videot e publikuara, Albani shihet teksa luan me top me një fëmijë ku të dy po bëjnë disa xhunglime.
“Hë si thoni, ti futem futbollit?
Se jemi bërë shumë këngëtarë!
Paskam shkuar dëm kot! ”
Nga ana tjetër, teksa xhirojnë skena të ndryshme, Albani shihet në një tjetër video duke trembur Miriam Canin, e cila po përpiqet ta rrëzojë. “Prapaskenat nuk janë dhe aq romantike.”
Bashkëpunimi i tyre vjen rreth 5 muaj pas duetit me titull “Zemër përmbi zemër”. Vitet e fundit çifti simpatik nuk ka qenë shumë aktiv në muzikë duke u fokusuar më shumë te familja dhe bota e biznesit. Ata janë prindër të dy fëmijëve, Duami dhe Ameli.
Discussion about this post