Drejtoresha e QSUT, Albana Fico, në këto muajt e parë të këtij viti ka bërë namin me tenderë dhe secili prej tyre është vlerësuar me “Red Flag”. Kontrata e radhës është lidhur me biznesmenin e privilegjuar Artur Kadareja, i njohur për prokurimet që vjel në shëndetësi. Këtë herë Fico planifikon t’o japë lekët Arturit për blerjen e Oksigjenator dhe Konektorë plastike për tuba. Konkretisht, bëhet fjalë për tenderin me objekt “Qarkullimi ekstrakorporal”, për të cilin janë vënë në dispozicion 864 milionë lekë.
Për këtë tender ka paraqitur ofertë vetëm bashkimi i operatorëve “BIOMETRIC ALBANIA” sh.p.k. & “GEN-ALB FARMA” sh.p.k. Kjo e fundit është në pronësi të Mariglen Koçisë dhe “BIOMETRIC ALBANIA” është firma e oligarkut Artur Kadareja.
Ata kanë paraqitur ofertën me vlerë 855 milionë lekë. Kjo ofertë është e shtrenjtë, gati sa 99% e fondit limit, çka automatikisht përbën shkelje të ligjit “Për Prokurimet Publike”. Por duke qenë se ofertuesi kryesor është Artur Kadareja, Fico nuk e ka lodhur shumë mikun e saj dhe e ka shpallur fitues pa garë farë, duke shkelur edhe rregullin për konkurrencën e lirë.
Në këto kushte tenderi u firmos në shkelje flagrante të ligjit dhe është vlerësuaruar me “Flamurin e Kuq” nga monitoruesi Open Data Albania, sepse mbart risk të lartë për korrupsion me fondin e prokuruar.
Kujtojmë se Artur Kadareja është mësuar të marrë tenderë pa garë, më së shumti nga sektori i Shëndetësisë. Ai është shpallur fitues në 356 tenderë publikë, të gjithë në sistemin e Shëndetësisë.
Ndërkohë edhe firma, “GEN-ALB FARMA” sh.p.k ka përfituar shpesh tenderë pa garë në shëndetësi. Përmendim këtu prokurimin me vlerë 95 milionë lekë për paisje mjekësore. Kjo firmë nuk gëzon asnjë licencë, por ka marrë 72 tenderë nga Shëndetësia dhe e ka mbushur arkën e saj.
Lexo edhe:Albana Fico në gjurmët e Jotit, i fal Luan Leklit 19 milionë lekë
Discussion about this post