Albana Vokshi kallëzim në SPAK për kryebashkiakun e Kuçovës: SPAK po anashkalon kallëzimet tona

Deputetja e Partisë Demokratike, Albana Vokshi mbajti një deklaratë për mediat, jashtë ambienteve të Prokurorisë së Posaçme:

“Jam në SPAK për kallëzimin e bërë për kryetarin e Bashkisë Kuçovë si dhe biznesmenin Salillari. Ata kanë përdorur jo vetëm pozitën e tyre por edhe burime publike pranë bashkisë. I kemi akuzuar për disa vepra si ‘Abuzim me fonde publike’ mes të tjerave.

Ka disa prova dhe video që tregojnë se është shtruar asfalt elektoral, pa asnjë projekt dhe pa standard. Ka edhe prova të tjera ku kallëzojmë shpërdorim të buxhetit të bashkisë për përfitime elektorale.

Ne kemi depozituar 30 kallëzime si në SPAK, ashtu edhe në prokuroritë e rretheve, të cilat janë anashkaluar. SPAK nuk ka hetuar rreth këtyre kallëzimeve, sapo shohin emrin e Edi Ramës anashkalojnë dosjen. Po ashtu edhe për aplikacionin e Aktivistit, me të cilin është abuzuar.”