Albana Vokshi mund në gjykatë Vilmën, koncesionaren e Ramës për Check Up-in

Gjykata e Posaçme Kundër Korrupsionit dhe Krimit të Organizuar (GJKKO) ka shpallur të pafajshme deputeten e Partisë Demokratike, Albana Vokshi, në një çështje për shpifje të ngritur nga Vilma Nushi.

Biznesmenja Vilma Nushi, përmes avokatëve të saj paditi në GJKKO, Albana Vokshi për deklaratat e saj në Komisionin Hetimior për koncesionet në Shëndetësi.

Sipas deputetes së PD-së, biznesmenja ka përfituar përmes akteve korruptive, si divident rreth 1.5 milionë euro.

Sipas opozitës, Vilma Nushi, në cilësinë e pronares së dy kompanive, e cila është pjesë e koncesionit të Check Up, “është përfituese indirekte dhe direkte (ka përfituar rreth 1.5 mln Euro nga dividenti).”

KUjtojmë se Albana Vokshi ka drejtuar Komisionin Hetimor për Shërbimin Publik të Sterilizimit dhe Shërbimit Publik të Check-Up në Shëndetësi që u ngrit në mars 2024. Ngritja e dy komisioneve hetimore, Sterlizimi dhe trajtimi i të Dhënave të Sistemit TIMS ishin pjesë e marrëveshjes mes mazhorancës dhe opozitës që riktheu normalitetin në Kuvend.

Tashmë dosja koncesionit ka kaluar për Gjykim, ndërsa nën akuzë për shpërdorim detyre është ish -ministri Ilir Beqaj. Bashkë me të masën detyrim paraqitje për sterilizimin është biznesmeni Ilir Rrapaj dhe 7 persona të tjerë.

“Ky është një lajm i mirë, jo vetëm për mua, por për çdo opozitar, deputet dhe qytetar që refuzon të heshtë përballë zullumit që ka shkaktuar kjo qeveri, veçanërisht në sektorin e shëndetësisë,” deklaroi Vokshi.

Ajo theksoi se padia e Vilma Nushit lidhej drejtpërdrejt me rolin e saj si kryetare e Komisionit Hetimor Parlamentar për koncesionet në shëndetësi, konkretisht për çështjet e “check-up”-it dhe sterilizimit. Vokshi sqaroi se ajo dhe opozita kishin denoncuar zyrtarisht në komision fakte dhe informacione që kishin në dispozicion, duke theksuar se padia ishte një përpjekje për të mbyllur gojën kritikëve.

“Vilma Nushi nuk erdhi asnjëherë në komision, ndërsa deputetët e mazhorancës votuan kundër thirrjes së saj, me urdhër politik,” u shpreh Vokshi, duke e konsideruar vendimin e gjykatës si një fitore për lirinë e fjalës dhe për zërat që denoncojnë korrupsionin.

gijotina.com/