Kryeministri i Kosovës, Albin Kurti ishte i pranishëm në ceremoninë mortore të 18-vjecares Marigona Osmani e cila u vra nga burri i saj.
Kurti deklaroi se sot të gjithë kanë shumë pikëllim e zemërim, ndërsa shtoi se jeta e një vajze të re është këputur në mënyrë mizore.
“Jeta e një vajze të re është këputur nga një vrasje mizore. I dyshuari për vrasjen është arrestuar dhe duhet të ketë gjykim të drejtë dhe dënim të merituar.
Bëhet fjalë për një të dyshuar që ka precedentë penal edhe për vepra tjera. Kjo tregon se sa shumë punë tjera kemi përpara që ta drejtojmë sistemin e drejtësisë. Qeveria jonë prej fillimit ka marrë iniciativën për infrastrukturë ligjore që kurrë të mos përsëriten këto raste”, ka thënë ai.
Marigona Osmani u dhunua për vdekje nga bashkëshorti i saj pasi Dardan Krivaqa, pasi dyshonte se ajo e tradhëtonte me kushëririn e tij. Ky i fundit u arrestua nga policia ditën e sotme.
