Kryeministri i Kosovës Albin Kurti ka theksuar së fundmi se qeveria e tij nuk ka hequr dorë nga vendosja e masave të reciprocitetit ndaj Serbisë.
“Serbia bën përgjithësisht barriera sporadike ndaj mallrave të Kosovës por ka gjithashtu edhe barriera sistemike. Për të zbatuar reciprocitetin për të cilin ne jemi zotuar, kemi nevojë që t’iu bëjmë ballë suksesshëm edhe barrierave sporadike edhe atyre sistemike kjo nënkupton që neve na duhet kohë për t’u përgatitur që ta zbatojmë të plotë reciprocitetin.
Reciprocitetin nuk e kemi për hakmarrje ndaj ndokujt por e kemi si parim që derivon nga koncepti i barazisë pra ne do ta zbatojmë reciprocitetin në kohë kur do të jemi përgatitur për zbatim të plotë të tij, kjo është çështje e qeverisë tonë dhe kjo do të bëhet. Dikujt mund të mos i pëlqej por ne këtë do ta bëjmë”, tha kryeministri Albin Kurti.
