Kryeministri i Kosovës, Albin Kurti ka komentuar në një intervistë për CNN situatën e shkaktuar nga agresioni rus në Ukrainë dhe pozicionimin e Kosovës krah Kievit.
Në intervistën e tij të shkurtër, Kurti tha se Kosova nuk i trembet kërcënimeve të Serbisë, duke shtuar se Serbia nuk është një shtet neutral siç pretendon, por është vendosur qartë në anën e Rusisë.
“Nuk mendoj se Rusia na bllokon që të anëtarësohemi në NATO. Serbia do para të BE, banka ruse, investime kineze dhe tolerancë amerikane, por nuk është neutrale. Serbia është në kahun e Rusisë dhe ndaj ne duhet të jemi vigjilentë. S’kemi frikë, kemi shtuar buxhetin për mbrojtjen. Ballkani Perëndimor mund të jetë një vend ku mund të zhvillohen terrene të reja beteje ruse nga përfaqësuesit e tyre,“ tha ndër të tjera Kurti për CNN.
Kujtojmë se Kosova e ka shprehur qëndrimin e saj pro Ukrainës, ndërsa nga ana tjetër, Vuçiç është pozicionuar pranë Rusisë, ku ditën e djeshme mori një urim nga Vladimir Putin për rizgjedhjen si President.
Discussion about this post