Kryeministri në detyrë i Kosovës, Albin Kurti, ka zhvilluar një takim me rreth 70 përfaqësues politikë dhe të organizatave të shoqërisë civile nga Presheva, Bujanoci, Medvegja dhe Sanxhaku.
Gjatë takimit, Kurti deklaroi se shqiptarët në Luginën e Preshevës po përballen me shkelje të të drejtave të njeriut, duke theksuar nevojën për mbështetje dhe bashkëpunim të vazhdueshëm.
Sipas Kurtit, qasja e Republikës së Kosovës do të jetë që të mbështesë qytetarët shqiptarë të Luginës në forma të ndryshme. Ai përmendi në veçanti mbështetjen për studentët, fëmijët dhe komunitetet shqiptare në këto zona.
Kryeministri në detyrë tha gjithashtu se Kosova po e ngre këtë çështje edhe në arenën ndërkombëtare, duke avokuar për të drejtat dhe interesat e shqiptarëve të Luginës së Preshevës.
Në takim u diskutua për zhvillimet e fundit dhe sfidat me të cilat përballen shqiptarët në Preshevë, Medvegjë, Bujanoc dhe Sanxhak, si dhe për forcimin e bashkëpunimit institucional dhe shoqëror.
Discussion about this post