Albion Rrahmani ka vazhduar me formë të lartë në kampionatin rumun, ku ka shënuar dy gola në fitoren 4-1 të Rapid Bukureshtit ndaj UTA Aradit.
Rrahmani me dy golat arriti në kuotën e 11 golave, ndërsa ka edhe dy asistime në 13 paraqitje në kampionatin e Rumanisë.
Ai për këtë paraqitje u vlerësua me notën 9.1 nga Sofa Score, si lojtari më i mirë në ndeshje.
“Shpresoj të shënoj më shumë gola. Dua të fitoj tituj. Do të shohim a do t’i shënoj 20 gola.
Pas rezultatit 2-0 ishim të relaksuar. Më pas ata bënë gabime dhe ne shënuam.
Është me rëndësi të luftojmë deri në fund. Tifozët na ndihmuan shumë, ishin lojtari i 12-të”, ka thënë sulmuesi kosovar, Rrahmani për mediat pas ndeshjes.
Sulmuesi i rrezikshëm është kthyer në një nga emrat më kryesor të futbollit rumun këtë vit.
Discussion about this post