Gjykata e Posaçme Kundër Korrupsionit dhe Krimit të Organizuar (GJKKO) ka vendosur masën e sigurisë “arrest me burg” për Elidon Avdylaj, i njohur edhe me pseudonimin Aldo Avdyli, i cili u arrestua një ditë më parë nga forcat speciale RENEA në Tiranë.
Avdylaj ishte në kërkim prej më shumë se një viti, si pjesë e hetimeve për operacionin “Revanshi”, i zhvilluar nga SPAK dhe Policia e Shtetit. Po ashtu, ai është i dyshuar si organizatori kryesor i vrasjes së Edmir Bregut, e ndodhur në vitin 2021 në Durrës, ngjarje për të cilën është regjistruar një tjetër procedim penal në kuadër të operacionit të 2 tetorit.
GJKKO i ka komunikuar të arrestuarit dy masa sigurie “arrest me burg”, për akuzat:
-
Vrasje me paramendim në kuadër të grupit të strukturuar kriminal, dhe
-
Krijimi dhe drejtimi i grupit të strukturuar kriminal.
Ndaj Aldo Avdylajt, hetimet vijojnë për zbardhjen e rolit të tij si organizator dhe i dyshuar për vrasje të porositura dhe ngjarje kriminale të rënda në zonën e Durrësit dhe më gjerë.
Autoritetet po punojnë për identifikimin e bashkëpunëtorëve të tij dhe lidhjet me grupe të tjera kriminale aktive.
Discussion about this post