Merkatoja verore vazhdon të ngrohet dhe një nga emrat që ka dalë në skenë së fundmi është ai i Moise Ken. Sulmuesi i Fiorentinës, i cili vjen pas një sezoni shumë të mirë me fanellën vjollcë, është bërë objektiv konkret i Milanit, që kërkon të përforcojë repartin ofensiv.
Kërkesa për Ken ka ardhur drejtpërdrejt nga Masimiliano Alegri, trajneri i Milanit, i cili e njeh shumë mirë sulmuesin që nga periudha e përbashkët te Juventusi. Pikërisht nën drejtimin e Alegrit, Kean u afirmua në Serinë A dhe shënoi 22 gola, duke lënë gjurmë si një nga talentet më premtues të futbollit italian.
Gjithsesi, transferimi i Ken te Milani nuk është një çështje e thjeshtë. Sulmuesi ka një klauzolë prej 52 milionë eurosh, një shumë që konsiderohet e lartë për klubin kuqezi. Megjithatë, Fiorentina mund të jetë e hapur për negociata, sidomos nëse në marrëveshje përfshihen lojtarë të Milanit. Gjithçka pritet që të sqarohet më mirë në ditët në vijim, por gjithsesi Vlahoviç mbetet objektivi kryesor i kuqezinjve.
gijotina.com/
Discussion about this post