Albano Aleksi mban në ajër Tiranën. Lojtari, i cili ka dhënë fjalën që do të jetë edhe në vazhdim futbollist i bardhebluve ende nuk ka firmosur me Tiranën.
Burime në klub bëjnë me dije se lojtari pritet të firmosë sot me nënkampionët e Shqipërisë. Gjithsesi, gjërat nuk janë aq të thjeshta.
Mes Tiranës dhe Aleksit janë paratë. Lojtari ka kërkuar likuidimin total për sezonin e shkuar dhe më pas të firmosë për sezonin e ri.
Presidenti Refik Halili ka premtuar se do ta mbyllë marrëveshjen dhe një gjë e tillë do ta bëjë. Fakt është që Aleksi ka dhënë fjalën që qëndron te Tirana edhe për sezonin e ri.
STATISTIKAT – Albano Aleksi ka sezonin e parë te Tirana. Këtë kampionat është aktivizuar 42 ndeshje në të gjitha kompeticionet. Ka dhënë dy asiste si dhe ka qenë në fushën e lojës 3660 minuta. Është 30 vjeç dhe vlera në merkato është 250 mijë euro. Më parë është aktivizuar me Butrintin, Luftëtarin, Teutën dhe Tiranën.
LARGIMET – Fakt është që Bekaj dhe Toshevski e kanë mbyllur me Tiranën. Edhe Behiratçe është drejt asaj rruge, ndërsa për Florent Hasanin gjërat varen nga ofertat që do të vijnë. Për t’u larguar janë edhe disa lojtarë të tjerë./PanoramaSport
Discussion about this post