Mesfushori i skuadrës së Teutë, Albano Aleksi theksoi pas ndeshjes me Partizanin se të kuqtë janë më dobët se vitin e kaluar. Gjithashtu futbollisti i bregdetarëve deklaroi se e kishin përgatitur me përpikmëri këtë duel.
“E vërteta është se trajneri ka bërë gjatë gjithë kohës këtë stërvitje që të bëjmë Partizanin të luajë lojën tonë, jo ne të tyren. U duk qartë. Duke parë Partizanin me top të gjatë, kemi bërë lojën tonë, ka patur pak lojë fizike, por siç e thatë, janë pikët që kanë rëndësi.
Nuk mund të flas akoma se është shpejt dhe se shumë kanë ikur e shumë kanë ardhur. Një start i mirë është gjysma e punës. Shpresojmë që në javën e dytë në Shkodër të kemi të njëjtin ritëm e të njëjtën ndeshje se që të fitojmë edhe në atë ndeshje.
Unë siç e kam deklaruar edhe para Superkupës, që do të jem më i qetë dhe e premtoj. E vetmja herë që nuk kam pasur faj ishte sot dhe prapë ma nxori kartonin. Këto janë në futboll.
A m’u duk më mirë se vjet? Jo. Partizani kishte më shumë kualitet në vitin që kaloi. Sivjet, pa u hequr meritat çunave se të gjithë janë futbollistë, vjet kishin më shumë kualitet”, theksoi Aleksi.
